Kryetari i LZHK-së Dashamir Shehi ka vlerësuar kandidatin e PD-së për Bashkinë e Tiranës, Belind Këlliçin krahasuar me kryebashkiakun aktual Erion Veliaj.
Shehi theksoi se Këlliçi është kandidat shumë i mirë dhe i ndershëm dhe se Veliaj është vetëm hije e Ramës, i cili pret që largohet dhe ti zërë vendin.
“Këlliçi është ku e ku shumë më i mirë dhe shumë më i ndershëm, e ka treguar koha këtë punë. Ndërkohë që e pamë edhe këtë zotëri 8 vjet, ja këto që shihni përqark, këto kullat e shëmtuara.
Ky supertrafik i mbingarkuar këtu dhe biles nuk e shikoj as si personazh politik atë zotërinë që del përditë në televizion dhe mbjell pemë duke bërë gjëra, por ndonjë ide politike nuk kam dëgjuar. Se ka 8 vjet aty, do kishte prodhuar ndonjë ide politike.
Ky është një hije e Edi Ramës që rri atje nga mbrapa dhe pret që të largohet dhe të vij ky”, u shpreh Shehi.
Discussion about this post