Ish-ministri i Shëndetësisë, Tritan Shehu, në një dalje publike ka komentuar zhvillimet e fundit brenda Partisë Demokratike.
Sipas Shehut, Partia Demokratike ndodhet në një situatë të vështirë aktualisht.
Ai shtoi se vendimi i Bashës për të përjashtuar nga grupi parlamentar ish-kryeministrin Sali Berisha nuk duhej të merrej individualisht, por i konsultuar me Këshillin Kombëtar.
Shehu shtoi më tej, se Sali Berisha është historia e PD dhe vendime kaq madhore nuk duhej të merren vetëm.
Ditët e fundit, Tritan Shehu ka qenë krahu i djathtë i ish kryeministrit Sali Berisha, që nga momenti ky i fundit u përjashtua nga grupi parlamentar.
