Deputeti demokrat Tritan Shehu është shprehur përsëri kundër marrëveshjes së Rithemelimit me Partinë Socialiste, pasi sipas tij asgjë tjetër nuk është e rëndësishme, ndërkohë që kreu demokrat Sali Berisha është në arrest shtëpie.
Shehu shprehet se Shqipëria është në nivelin e burgosjes politike të liderit të opozitës.
Ai theksoi se kjo duhet vendosur përballë institucioneve europian me zë të kumbueshëm.
Postimi i plotë:
Burgosja politike e liderit dhe nxjerrja jashtë ligjit e partisë, janë dy masat ekstreme, që rregjimet mund të marrin ndaj opozitës!
Sot në Shqiperi jemi në nivelin e burgosjes politike te Liderit.
Njëlloj si ndodhte në Rusi me Navalnin!
Ky është elementi kryesor represiv, që duhet vendosur përballe institucioneve europiane.
Direkt, fort, jo me sofizma e mërmëritje…me zë të lartë e të “kumbueshëm”!
Edhe në tryezën me reporterët e Parlamentit Europian, edhe në Këshillin e Europës, kudo!
Ashtu si opozita Ruse vendoste e vendos, kur kërkon të drejtat e saj!
Çdo gjë tjetër është irilevante përballë një akti të tille anti-ligjor, anti- kushtetues, anti-demokratik, anti-europian e shumë “anti” të tjera…
Këtë duhet ta kuptojmë mirë e qartë, nëqoftëse pretendojmë se bëjmë “politikë”!
Politikë reale e funksionale, në shërbim të rikthimit të lirive, demokracisë e rrugës Europiane e Perëndimore të Shqipërisë!
Ndryshe bëhemi të “pa qenë”!
Discussion about this post