Deputeti demokrat Tritan Shehu ka theksuar rëndësinë e miratimit të një rezolute nga Shqipëria, e cila të dënonte gjenocidin serb në Kosovë në vitet ’90, por që Kryeministri Edi Rama nuk pranoi kurrsesi të futej në Kuvend. Rezoluta u paraqit nga opozita disa muaj më parë në Kuvendin e Shqipërisë, por u refuzua me debate nga deputetët e PS-së.
Shehu argumentoi në një intervistë në SYRI TV se ky refuzim ka ndodhur “sepse kështu do Vuçiçi, se ky është vullneti i Vuçiçit, i cili kohë më parë ka thënë se “ne do të bëjmë të gjitha përpjekjet që vendet mike që ne kemi mos të kalojnë një rezolutë të tillë , një dokument të tillë, ku të njihet gjenocidi serb në Kosovë.”
Por, theksoi Shehu, kjo është padyshim në kundërshtim me historinë, është në kundërshtim me të vërtetën dhe nuk sjell asnjë të mirë për zhvillimet e mëtejshme, në qoftë se Serbia nuk ulet, nuk e pranon dhe nuk kërkon falje për këtë gjenocid, gjë që do të thotë të ndahet nga e kaluara.”
Discussion about this post