Princi i Uellsit, Charles mori një donacion prej një milion eurosh nga sheiku dhe ish-kryeministri i Katarit, Sheikh Hamad bin Jassim. Sipas mediave britanike, ky është donacioni i tretë që mori.
“Clarence House” (rezidenca mbretërore britanike) tha se donacionet nga sheiku iu kaluan menjëherë një prej organizatave për bamirësi të princit dhe u ndoqën të gjitha proceset e duhura. Kështu, nuk ka asnjë sugjerim që pagesat ishin të paligjshme.
Sipas Sunday Times, Princi Charles mori tri donacionet në para personalisht nga ish-kryeministri midis 2011 dhe 2015.
Donacionet për bamirësitë e Princit Charles janë vënë nën shqyrtim muajt e fundit pas akuzave se njëri prej tyre i ofroi një donatori saudit ndihmë për të siguruar “një nder dhe nënshtetësi” në Mbretërinë e Bashkuar.
Discussion about this post