Ish-kryeministri Sali Berisha ka mbërritur në Kuvend, ku ka folur sërish sot në lidhje me protestën e banorëve të 5 Majit, ndërsa paralajmëroi se do të ndërmarrë një nismë ligjorë në Kuvend.
“Të ftosh qytetarë në bisedime është një akt normal, t’iu përplasësh tavolinën e tyre me grusht, janë akte ekstreme që e kanë aplikuar ndaj qytetarëve pushtuesit, dhe përveç tyre diktatorët. Dënoj me ashpërsinë më të madhe, informoj se do të merret nismë ligjore për mbrojtjen e banesave të qytetarëve shqiptarë. Me praktikën që po ndjek kreu i Meduzës, janë qindra dhe mijëra banesa në rrezik. Janë qytetarë që kanë lindur dhe janë bërë prindër aty, që të gjitha janë ndërtuar para 2014, ku ligji parashikonte legalizimin përpara urbanizimit. Nuk jam kundër zhvillimit, ama jam kategorikisht kundër shkatërrimit të pronave të qytetarëve, pa përmbushur rregullat e tregut”, tha Berisha.
Jashtë dyerve të Kuvendit, Berisha komentoi gjithashtu takimin e kryeministrit Edi Rama me disa përfaqësues të banorëve, duke u shprehur se ai është sjellë me banorët në mënyrë të pashpirt e çnjerëzore.
Discussion about this post