Shembja e galerisë në Tropojë, ja kush është minatori që u nxor i pajetë (FOTO)

Një ngjarje e rëndë tronditi ditën e sotme Tropojën teksa një galeri kromi në fshatin Lajthizë është shembur, ku si pasojë humbën jetën 2 minatorët, Adil Dautaj 41-vjeç  dhe Afrim Zhutaj 43-vjeç .

Dy minatorët mbetën të bllokuar pas shembjes së galerinë në minierë, dhe pavarësisht ndërhyrjes nga ekipet e shpëtimit, trupat e tyre u gjetën të pajetë.

Të dy ndodheshin në 1000 metra thellësi rreth orës 11:54 bashkë me katër kolegë të tyre, kur galeria e kromit pësoi shembje dhe i zuri poshtë.

Personi që shikoni në foto  është 43-vjeçari Afrim Zhutaj, i cili ishte baba i tre fëmijëve.