Ish-drejtori i Policisë së Shtetit Shemsi Premçi ka deklaruar ot se, policia duhet të kishte marrë masa që në zonën ku u vra nënkomisari Saimir Hoxha të mos mbetej asnjë bimë narkotike. Ai u shpreh se Ardi Veliu në postin e Policisë së Shtetit nuk ka ngritur sistem pe duhur për të kapur ngarkesat e farave të kanabisit që janë mbjellë në Shqipëri.
“Asnjë bimë narkotike nuk duhet të mbetej në Kune Vain. Drejtori i Policisë nuk ka ngritur sistemin për të pakur një herë të vetme një thes me fara kur vijnë nga jashtë. Kapje farash. Janë kapur gjysmë kg por është mbjellë mbi 3 mln rrënjë. Si ka mundësi që drejtori i policisë nuk ka një plan masash për punën operative të policisë.
Analizat bëhen me shifra dhe me numra. Tani nuk bëhet kështu por me natyrën e krimit. Kemi atentate të mirëfillta kriminale. Segmente të caktuara të Policisë së Shtetit nuk shikohen aktive. Si ka mundësi që drejtoria e luftës kundër krimit financiar nuk merr masa për abuzimet me tenderat”, shtoi Premçi.
Ai shtoi se shumë segmente të Policisë së Shtetit nuk janë aktive duke përmendur këtu drejtorinë e luftës kundër krimit financiar.
