Një ngjarje e rëndë ka ndodhur në qytetin e Shëngjinit, ku një grua afgane e identifikuar me iniciale Z.K., 26 vjeç ka plagosur bashkëshortin e saj M. K 33 vjeç.
Krimi i rëndë ka ndodhur në hotelin, ku qëndrojnë afganët, ndërkohë që i plagosuri mësohet se është nisur me urgjencë për në spitalin e Lezhës, pasi kam marrë dëmtime në pjesën e barkut, dhe për momentin është jashtë rrezikut për jetën.
Burimet policore bënë me dije se ngjarja ka ndodhur në orët e mesditës dhe menjëherë janë nisur drejt vendndodhjes për të shoqëruar gruan që është autore e plagosjes. Sipas hetimeve gruaja afgane ka plagosur shtetasin tjetër afgan me thikë.
Grupi hetimor ndodhet në vendngjarje dhe nën drejtimin e Prokurorisë së Rrethit Gjyqësor Lezhë, po punon për sqarimin e plotë të shkakut dhe rrethanave të ngjarjes.
