Është mbyllur në barazim 2-2 supersfida mes Manchester Cityt dhe Liverpool, takim që u luajt në “Etihad Stadium”. Një sfidë e luftuar rezultoi mes të dyja skuadrave të cilat arritën të shënonin plot 4 gola, por në fund asnjëra nuk do festonte dhe gara për titullin kampion në Premier League vazhdon të ngelet e hapur, teksa “Qytetarët” udhëheqin me një pikë më shumë se “The Reds”.
Supersfida në “Etihad Stadium” u zhbllokua që në minutën e 5-të kur Kevin De Bruyne do të ndëshkonte të besuarit e Jurgen Kloop. Festa e gjitha në kampin e Guardiolës dhe në shkallët e stadiumit.
Kjo sfidë u parashikua të ishte e luftuar mes të dyja skuadrat të cilat kërkojnë të ushtrojnë presion ndaj njëra-tjetrës, ndërsa shifrat do të barazoheshin në minutën e 12 me anë të Diogo Jota. Festa tashmë do të kalonte në krahun tjetër të protagonistëve.
Manchester City gjen sërish avantazhin dhe është braziliani Gabriel Jesus, që niset nga limitet e pozicionit jashtë loje, për të mposhtur për herë të dytë patriotin e tij, Alisson Becker.
Sadio Mane rikthen baraspeshën në minutën e 46-të vetëm pak sekondash në fushë pasi skuadrat filluan pjesën e dytë.
VAR në minutën e 63 do t’i prishte festën Raheem Sterling, i cili niset i vetëm përballë portierit Alisson dhe këtë herë nuk fal më, pasi kalon topin poshtë këmbëve të brazilianit dhe e dërgon në rrjetë, por për pak milimetra është cilësuar pozicion jashtë loje, teksa sfida do të mbyllej në 2-2 mes dy ekipev.
Discussion about this post