Ditën e sotme, Komisioni i Rithemelimit ka zhvilluar zgjedhjet për kryetar të degës të Partisë Demokratike në tre qytete, në Fier, Selenicë dhe Fushë Krujë. Para pak minutash kanë përfunduar zgjedhjet në të treja degët, si dhe janë shpallur fituesit. Në përfundim të procesit të numërimit fitues kanë rezultuar, kandidati Leonard Rakipaj në Selenicë, Rakipaj mori 203 vota, kundrejt Gazmir Beqaj i cili mori 63 vota.
Ndërsa në degën e Partisë Demokratike në Fushë Krujë, në votimet e sotme kanë marrë pjesë 440 demokratë. Fitues është shpallur, kreu aktual i PD-së, Agron Loka, i cili ka marrë 408 vota. Ndërsa nga ana tjerët, rivali i tij, Aqif Mesi ka marrë 24 vota. 8 votat e tjera janë shpallur të pavlefshme. Edhe në degën e Fierit është mbyllur procesi i numërimit dhe fitues është shpallur Rrapi Gjika, i cili ka marrë 452 vota, ndërsa rivali i tij në garë, Vladimir Kajolli mori 344 vota ndërkohë që 8 vota dolën të pavlefshme. Në total votuan 804 anëtare të Partisë Demokratike.
Procesi nisi në orën 09.00 dhe u mbyll në orën 18:00. Kryetari i ri i degës u zgjodh në bazë të parimit një anëtar një votë, e para herë që aplikohet një gjë e tillë për zgjedhjen e kreut të kësaj force politike.
Discussion about this post