Gjendja në Shqipëri vazhdon ende të jetë e rënduar. Tashmë nga zjarret nuk ndikohet vetëm natyra por edhe njerëzit të cilët jetojnë në qarqet që preken nga flakët.
Bëhet me dije se, prej zjarreve shënohet viktima e parë në fshatin Asim Zeneli, një i moshuar i cili ka humbur jetën ndërsa ka nisur evakuimi i banorëve.
Lajmi i rëndë është konfirmuar nga burime zyrtare nga Ministria e Mbrojtjes. Gjithashtu, të njëjtat burime raportojnë se edhe gruaja e të ndjerit ka pësuar djegie në trup.
Ministri i Mbrojtjes, Niko Peleshi, është nisur nga Vlora drejt fshatit të Gjirokastrës, ku situata është tejet e rënduar dhe flakët e tymi janë futur në banesa.
