Një sherr me thika mes disa të rinjve kosovarë në Zvicër, i ka marrë jetën një 20-vjeçari ditën e djeshme. Mediat zvicerane bëjnë me dije se dy grupe janë përplasur me njëri-tjetrin pranë një pike karburanti duke përdorur thika dhe mjete të forta.
Për shkak të plagëve të mara, 20-vjeçari nuk ka mundur t’u mbijetojë dot, ndërkohë që disa të tjerë kanë mbetur të plagosur dhe më pas janë dërguar në spital për të marrë ndihmën e parë mjekësore.
Kanë qenë qytetarët e zonës që kanë njoftuar policinë. Një punonjës në pikën e karburantit i tha policisë me zërin e dridhur “Si mund ta bënin atë gjë”.
Zona ku ndodhi ngjarja u rrethua nga policia rreth orës 00:30 të mëngjesit të së dielës për të hetuar në lidhje me këtë ngjarje.
