Sherr me thika në Durrës, dy të plagosur

Sherr me thika në qytetin bregdetar tw Durrësit. Raportohet se nga sulmi kanë mbetur të plagosur dy persona.

Fillimisht dy personat janë konfliktuar me fjalë e më pas sherri degradoi me përdorimin e mjeteve prerëse. Të dy janë plagosur, ndërsa njëri është në gjendje kritike për jetën.

Sherri ka ndodhur pranë shkollës së muzikës “Jan Kukuzeli”.

“Rreth orës 10:30, në lagjen nr. 3, Durrës, dyshohet se gjatë një konflikti për motive të dobëta, shtetasit B. G., dhe Xh. M., kanë dëmtuar njëri-tjetrin, me mjete prerëse. Të dy këta shtetas ndodhen në spital, për ndihmë mjekësore. Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje”, njoftoi policia.