Një ngjarje aspak sportive ka ndodhur në Irlandën e Veriut, ku skuadrat Glentoran dhe Coleraine përballeshin mes tyre në NIFL Premiership.
Vendasit e Glentoran ndodheshin në avantazh 2-1, derisa kundërshtari barazon shifrat. Ky gol nuk është pritur aspak mirë nga portieri vendas, ku fajtor ka quajtur mbrojtësin e skuadrës tij, duke e goditur këtë të fundit.
Portieri Mçarey e godet Bobby Burns duke e rrëzuar në tokë, dhe menjëherë kanë ndërhyrë shoket e tij të skuadrës për të qetësuar situatën.
Arbitri i ndeshjes e ka ndëshkuar menjëherë me karton të kuq portierin, duke e përjashtuar nga loja, dhe nga mediat vendase raportohet se klubi i Glentoran ka vendosur pezullimin e portierit për disa ndeshje.
