Deputetët e Kuvendit të Kosovës janë rikthyer sot në sallë, pas një muaji pushim. Seanca është shoqëruar me debate të forta. Në kohën që ligjvënësit nuk ishin në krye të detyrës, në vend ndodhën shumë zhvillime.
Bëhet fjalë për dialogun Kosovë-Serbi dhe grevat në sektorin publik. Si pikë e tetë e rendit të ditës është debati parlamentar për Grevën e përgjithshme të Bashkimit të Sindikatave të Pavarura të Kosovës (BSPK).
Kryetari i LDK Lumir Abdixhiku ka hedhur akuza të rënda ndaj shefit të qeverisë Albin Kurti. Ai e kritikoi për inflacionin dhe mbështetjen ndaj qytetarëve, duke e cilësuar si kopshtar në luftë, e luftëtar në kopsht.
“Kur dëgjova kryeministrin kuptova që ai është dorëzuar. Albin Kurti është i dorëzuar, i ka çuar duart. Ai s’i besonte as vet masave e politikave që po i lexonte këtu në seancë, dhe më jep përshtypjen se është një kopshtar në luftë, e një luftëtar në kopsht. Pra, kur gjërat janë qetë merr zemër si luan, por na bëhet një kopshtar kur është gjithandej i rrethuar me kriza. Pra, përtej paranojës që e kishte, s’e armiqtë e padukshëm iu kanë bërë bashkë për ta rrëzuar, e siç ju thashë më shpesh e përmendin këtë rrëzimin se sa ne, mendoni këtë gjë pak”, tha Lumir Abdixhiku gjatë fjalës së tij.
Discussion about this post