Një 44-vjeçar ka rënë në prangat e policisë pasi goditi me mjet prerës një punonjës sigurie në Spitalin Rajonal të Fierit. Autori është identifikuar si Shkëlqim Murati.
Bëhet me dije se Murati kishte shkuar me urgjencë në spital dhe gjatë parkimit të makinës, kishte bllokuar rrugën e ambulancës.
Ndërkohë, punonjësi i sigurisë, për të lehtësuar kalimin e ambulancës, ka lëvizur automjetin dhe e ka parkuar në një vend tjetër brenda ambienteve të spitalit. Kjo veprim i punonjësit duket se ka acaruar Muratin, i cili fillimisht i ka bërë thirrje, duke i thënë se “pse më ke lëvizur makinën?”.
Pas kësaj thirrjeje 44-vjeçari e ka goditur lehtë në njërin krah me një mjet prerës. Skaq, Policia ka nisur hetimet për ngjarjen, ndërsa Murati është vënë në pranga nga policia dhe pritet të merret në pyetje për rrethanat e incidentit.
“Specialistët për Hetimin e Krimeve të Komisariatit të Policisë Fier arrestuan shtetasin Sh. M., 44 vjeç, banues në Fier, pasi për motive të dobëta, ka goditur me mjet prerës një punonjës sigurie në Spitalin Rajonal Fier, i cili është dëmtuar lehtë.”, citohet në njoftim.
Discussion about this post