Një ngjarje e rëndë është shënuar mëngjesin e të dielës në Itali, ku një shqiptar është përfshirë në një sherr me një shtetas italian. Ky i fundit pas një diskutimi për motive të dobëta ka përplasur me makinë 27-vjeçarin shqiptar banues në Forlì, Florin Dedja. Të rinjtë janë nxjerrë jashtë ambienteve të clubit nga truprojat, por sherri i tyre ka vijuar jashtë, teksa raportohet se shkak është bërë një vajzë.
Mediat italiane kanë siguruar videon e momentit të rëndë ku dy grupet e të rinjve konfrontohen me njëri-tjetrin, duke terrorizuar dëshmitarët që ndodheshin në vendngjarje. 20-vjeçari italian, banues në Rimini, u arrestua nga policia italiane dhe akuzohet për tentativë vrasje.
Discussion about this post