Detaje të tjera janë zbardhur në lidhje me sherrin e dhunshëm që përfshihu Princ Lekën, ish-bashkëshorten e tij, aktoren Elia Zaharia dhe babanë e saj Gjergj Zaharia. Kujtojmë se gjithçka ka ndodhur në banesën e familjes mbretërore, ku jetonte Elia bashkë me vajzën e tyre 3-vjeçare.
Sakaq, mësohet se ka qenë pikërisht Princ Leka ai që ka shkuar në banesën e saj, që të marrë vajzën e tij, por dyshohet se aty ka nisur një konflikti verbal, që më pas ka shkuar drejt konfrontimit fizik.
Princ Leka, pasi ka bërë ditën e djeshme denoncimin në polici, ka sqaruar para oficerëve se ish-vjehrri i tij, Gjergj Zaharia që e ka dhunuar, e ka goditur me një statujë prej druri dhe më pas e ka kapur prej xhupi për ta nxjerrë jashtë banese.
Ndërkohë, e gjithë skena e dhunës thuhet se ka ndodhur në sy të vajzës së mitur 3-vjeçare.
Nga ana tjetër, pretendime se është dhunuar ka ngritur edhe Elia Zaharia, e cila ka dëshmuar në polici se ishte kapur me forcë nga duart e ish-bashkëshortit të saj.
Të dyja palët kanë përfunduar në polici, ndërsa kanë kërkuar urdhër-mbrojtje. Policia po heton rreth ngjarjes në fjalë. Kujtojmë se Princ Leka dhe Elia Zaharia janë ndarë, ndërsa flitet se princi ka nisur një lidhje të re dashurie me fotografen Blerta Celibashi.
Discussion about this post