Një sherr me armë ka ndodhur mbrëmjen e djeshme mes shqiptarëve në qytezën Sasso Pisano në komunën e Castelnuovo di Val di Cecina, në provincën e Pisa, Itali.
Si pasojë e sherrit një 36-vjeçar ka ndërruar jetë, ndërkohë dyshohet se përplasja ka për motiv hakmarrjen.
Viktima, 8 vite më parë, ka qenë autor i një vrasjeje në Shqipëri ku ka kryer dhe disa vite burg. Më pas është zhvendosur në Toskana të Italisë. Policia italiane ka ngritur postoblloqe e patrulla kontrolli në gjithë rajonin e është në kërkim të autorëve.
Sipas dëshmive të para autorët janë larguar ne bordin e një automjeti me ngjyrë të errët. Ndërkohë viktima është goditur teksa ndodhej në një makinë që drejtohej nga një person tjetër. Ky i fundit ka dalë nga makina dhe ka kërkuar ndihmë.
Megjithëse i është ofruar ndihma 36-vjeçari ka vdekur në vend. Dy persona janë në kërkim.
Discussion about this post