Një përplasje e fortë ka ndodhur mes Iglit dhe Monikës në Big Borther Vip, pasi gjatë spektaklit të së martës, u shfaq një video, ku Monika bën një gjest, duke nënkuptuar se Igli është përdorues droge.
Monika preku hundën me dorë, duke nënkuptuar se Igli konsumon lëndë narkotike në jetën jashtë shtëpisë. Monika dhe Igli njiheshin nga jashtë për shkak të profesionit si aktorë, por vetëm kaq. Ai tha se janë parë nga larg, por nuk janë ulur kurrë në një tavolinë. Pas spektaklit, Monika kërkoi të bisedonte me Iglin, për t’i kërkuar falje për atë që ishte shprehur në video, por ky i fundit refuzoi duke i drejtuar Monikës pyetjen disa herë “A e di ti se çfarë pune bëjnë prindërit e mi apo jo”. Pasi insistoi, Monika i tha se nuk e dinte, por i kërkonte falje për atë gjest që kishte bërë duke iu referuar Iglit. Ndërsa Igli i tha nuk kam ndërmend të të tregoj në BBV se çfarë pune bëjnë prindërit e tij.
Megjithatë, është zbuluar se Igli Zarka është djali i një gjyqtareje të shkarkuar nga vettingu dhe i një shefi policie. Konkretisht, nëna e Igli Zarkës është Adelina Zarka, e cila është shkarkuar nga Komisioni i Pavarur i Kualifikimit vetëm pak ditë, para se i biri të hynte në BBV.
Ajo ngeci në shkallën e parë të vettingut për shkak të mos-justifikimit të pasurisë për shpenzimet e një shtëpie të ndërtuar në vitin 2000, ndërkohë që pretendoi se paratë ishin përfituar nga shitja e një shtëpie tjetër. Ndërkohë, pritet që ajo të apelojë vendimin e shkarkimit të saj. Ndërsa babai i Igli Zarkës është Janaq Zarka, i cili është shef i policisë rrugore dhe kryesisht ka punuar në qarkun e Fierit dhe të Vlorës. Duke qenë se prindërit e tij janë pikërisht njerëz të drejtësisë dhe rendit, duket se pikërisht kjo ka ndikuar shumë tek aktori i ri se është përfolur si përdorues droge. /Gijotina.com
Discussion about this post