Zbardhen të tjera detaje nga ngjarja e rëndë në Prizren, ku mbeti i vrarë një 31-vjeçar nga Kukësi. Sherri nisi në lokalin e natës ‘Kobra City’, ndërkohë që dyshohet se pronari i lokalit, Dibran Hoxhaj qëlloi për vdekje kuksianin Visart Shehu.
Sipas raportimeve të mediave në Kosovë, motiv i këtij konflikti dyshohet të ketë qenë fatura prej 400 euro që lokali kishte lëshuar për shqiptarët. Sherri thuhet se nisi pasi të rinjtë nga Kukësi nuk u pajtuan për ta paguar këtë shumë.
Duke cituat burime nga prokuroria, mediat në Kosovë raportojnë se shqiptarët “fillimisht patën një debat me stafin e lokalit dhe klientët e tjerë dhe aty nisën të qëllojnë me shishe e të thyejnë tavolinat, duke tensionuar situatën“. Më pas, u larguan nga lokali. Por, pronari i lokalit Dibran Hoxhaj, i njohur si Kobra, dyshohet se ka qëlluar me armë pas sherrit që ka ndodhur brenda.
Në momentin që 31-vjeçari Visart Cengu, Rufgen Shehu dhe Arben Basha po largoheshin me automjet, dyshohet se pronari i lokalit Dibran Hoxhaj, ka qëlluar me armë zjarri në drejtim të automjetit të tyre.
Në njoftimin zyrtar, Policia shqiptare bën të ditur se: Në Morinë, rreth orës 04:25 të mëngjesit të sotëm kanë hyrë për në drejtim të spitalit rajonal të Kukësit, shtetasit Visart Cengu, 31 vjec, dhe Rufgen Shehu, 27 vjeç, që transportoheshin me automjet nga shtetasi Arben Basha, të tre nga Kukësi, ku shtetasit Visart Cengu dhe Rufgen Shehu ishin të plagosur me armë zjarri në Prizren të Kosovës. Si pasojë e plagëve të marra shtetasi Visart Cengu ka ndërruar jetë gjatë rrugës, ndërsa shtetasi Rufgen Shehu, ndodhet në spital nën kujdesin e mjekëve.
Ndërkohë pas bastisjes, lokali ‘Kobra City’ është mbyllur nga autoritetet. Gjatë bastisjes, janë gjetur tri gëzhoja plumbash.
Discussion about this post