Detaje të reja kanë dalë nga lajmi për shpalljen në kërkim të dy djemve të ish deputetit Tom Doshi, pasi dhunuan një person, dhe më pas nuk iu bindën urdhrit të policisë për të ndaluar.
Sipas Faxweb, njëri nga djemtë e tij është konfliktuar me shtetasin me inicialet R.S., në një sallon në zonën e ish-Bllokut. Konflikti mes tyre konsiderohet banal për një foto Instagrami. Fillimisht dy të rinjtë janë rrahur me grushte me njëri-tjetrin.
Më pas djali i ish-deputetit socialist është larguar për t’u rikthyer së bashku me vëllain dhe bodygardin e tij të identifikuar si E.L, i cili ka përfunduar në pranga. Burime policore bëjnë me dije se ata kanë goditur me sende të forta dhe shufër hekuri 38-vjeçarin, ku ky i fundit i ka kërkuar ndihmë policisë.
Në këtë moment, ata kanë goditur dhe punonjësin e policisë dhe janë larguar nga vendi i ngjarjes. Pas marrjes në pyetje dhe të dëshmitarëve të tjerë në sallon, policia ka identifikuar dy djemtë e ish-deputetit, të cilët i ka shpallur në kërkim, si dhe kane arrestuar bodygardin.
Discussion about this post