Eksperti i arsimit, Qemal Çejku ka deklaruar ditën e sotme se, reagimi i Ministrisë së Arsimit për sherrin tek shkolla “Çajupi”, nuk ishte o mjaftueshëm. Sipas tij, si institucion përgjegjës, ministria duhet të thellohej më shumë pse ndodhi ky konflikt, pse nuk kanë studime në lidhje me gjendjen psikologjike të mësuesve dhe nxënësve.
Sipas tij, është i gabuar fakti që i mbingarkojnë mësuesit me orë të zgjatura, por nuk iu japin trajnime psikologjike.
“Ministria ka reaguar me drejtorinë vendore të arsimit por ka reaguar shumë dobët. Nuk duhet të shkonte vetëm tek mësuesit, sepse nuk është i plotë si reagim. Le të themi nga erdhi ky lloj konflikti. Në këto vite ne nuk kemi bërë as studime psikologjike tek mësuesit për të parë sesa të aftë janë ata pas pandemisë për të dhënë mësim pasi kanë pasur një ngarkesë shumë të madhe gjatë pandemisë.
Kishin një super ngarkesë me shumë orë në ditë. Ndërkohë që maksimumi e kanë për të dhënë mësim 22 orë në javë. Është e pamundur ta kërkojmë ne si një lloj ndëshkimi, ndërsa në vende të tjera janë bërë studime pas pandemisë dhe është punuar me nxënësit dhe mësuesit sepse pasojat e arsimit vijnë më vonë. Mendoj se kjo sapo ka filluar dhe do të ketë akte edhe më të rënda”, tha ai.
Eksperti tha se, studentët tanë do jenë brezi që nuk ka patur asnjë kontakt me shkollën nesër do e kenë shumë të vështirë për të gjetur një punë sepse kanë marrë një nivel shumë të dobët arsimi dhe për pasojë rrezikohen situata të tilla
