Kryetari i Bashkisë Tiranë , Erion Veliaj, do të bëjë ndërhyrje edhe në rrugët ku nuk është e nevojshme, pasi janë në gjendje të mirë. I tillë është rasti i sheshit në Yzberisht që të kufizohet nga rrugët 3Dëshmorët – Rexhep Shala – Joaklin Persi. Në fakt vlen të kujtojmë se në tetor të 2022 ky shesh dhe rrugët lidhëse i janë nënshtruar një rikonstruksioni. Por, Veliaj do të hedh edhe 1.6 mln euro të tjera për të bërë sikur riparon sheshin.
Tenderi në fjalë është hapur në fund të dhjetorit 2022 dhe është mbyllur me datë shkurt të këtij viti. Ky tender që në shqyrtimin e parë tregon që është abuziv. Së pari po hidhen miliona për punë që nuk do të kryhet. Së dyti, tenderi është mbyllur në shkelje të ligjit. Open Data Albania tregon se kontrata është mbyllur pa garë fare dhe është shkelur rregulli bazë i prokurimeve.
Sipas dokumenteve për këtë tender kanë paraqitur oferta 15 firma. 24 prej tyre janë skuafikuara që në fazën e parë nga Bashkia Tiranë me argumentin se nuk kanë deklaruar staf mjaftueshëm për të kryer këto punime. Kështu ka mbetur e vlefshme vetëm oferta “BE – IS” & “ERGI” me vlerë 1.6 miliardë lekë. Madje në dokumente shohim se oferta e tyre është më e shtrenjtë se ofertat e katër firmave të tjera. Por, ky fakt është anashkaluar nga Veliaj, i cili çdo tender e mbyll me vlera shumë të larta. Ndërsa shtojmë faktin që firmat në fjalë e kanë marrë kontratën pa garuar fare, me çmim të shtrenjtë dhe dokumente të paqarta. Kështu kjo kontratë ka marrë “Flamurin e Kuq”, çka tregon që është në shkelje flagrante të ligjit. Duke iu shtuar listës së aferave të Veliajt.
Fituesi Hamza Islamaj
Vlen të përmendin se dy firmat fituese edhe kur konkurrojnë më vete përfitojnë tenderë nga Veliaj pa garë. Theksojmë këtu firmën, “BE – IS” në pronësi të Hamza Islamajt. Ky i fundit njihet më shumë për aferat që bën në bashkëpunim me biznesmenin Gentjan Sulaj. Duke kujtuar si një nga aferën e fundit më të madhe atë për rikonstruksionin e materniteti “Mbretëresha Geraldinë”. Ky tender është lakuar shumë ne media seps Islamaj me bashkëpunëtorin e tij mashtruan dhe vodhën paratë e projektit. Në 3 gusht 2020, Ministria e Shëndetësisë me në krye Ogerta Manastirliun ka shpallur tenderin me objekt “Rikonstruksion i godinave të Maternitetit Mbretëresha Geraldinë dhe ndërtim i ri 3 kat Tiranë”, me fond limit rreth 7 miliardë lekë. Islamaj dhe Sula, kanë bërë një pazar me kupolën e korrupsionit në shëndetësi, kanë paraqitur një ofertë 466 395 123 lekë.
Sipas një dosje të KLSH-së që ka parë Prapaskena, Ministria e Shëndetësisë ka fryrë në mënyrë fiktive fondin limit të tenderit, me qëllim për të futur në kurth kompanitë e tjera, dhe për t’i dhënë tenderin dy oligarkëve sipas pazarit paraprak. Më tej, është shmangur përllogaritja e kostove për punimet ndërtimore sipas çmimeve të tregut, me qëllim për të vjedhur paratë. Me këtë lëvizje, janë vjedhur 140 milionë lekë.
Ndërsa në dy vitet e fundit Islamaj regjistron më shumë tendera nga Bashkia Tiranë, ku më i liri kap vlera 10 milionë lekë të reja.
Punë e bërë dy herë
Po të kthehemi te tenderi i Velijat shohim qartë se kemi të bëjmë me punë që po bëhet për të dytën herë. Sikur e përmendëm në fillim të artikullit për këtë bllok rrugësh në Yzberisht, Veliaj ka bërë investime në tetor të vitit të shkuar. Ndërkohë, në dokumentet e tenderit, janë disa foto të emërtuara “Sheshi 5”. Sipas këtyre pamjeve, këto rrugë janë të degraduara dhe është e pamundur lëvizja e mjeteve. Dhe, në këto kushte, Bashkia e Veliajt ka vendosur të shpenzojë miliona euro.
Foto, dhjetor 2022, Yzberisht
Por, në foton e mëposhtme, e cila është shkrepur në dhjetor të vitit 2022 duket qartë që ky shesh është në gjendje të mirë. Madje dallon qartë që punimet janë bërë së fundmi. Nga ku shohim se kjo zonë ka nevojë për sistemim urbanistik. Dhe kjo arrihet vetëm nëse Lali Eri i bën tenderët sipas ligjit.
Lexo edhe: Veliaj skualifikon ofertat e lira, jep pa garë 700 milionë lekë për riparim rruge
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post