“Shëtitësit e natës” vë në pranga babë e bir, autorë të disa vjedhjeve në Lezhë

Dy persona janë arrestuar nga policia e Lezhës në kuadër të operacionit “Shëtitësit e Natës”, pasi akuzohen për vjedhje dhe armëmbajtje pa leje.

Mësohet se, në pranga kanë rënë babë e bir, Sokol Kolndreu 67 vjeç, dhe Arion Kolndreu 25 vjeç, ndërsa është proceduar penalisht Vladimir Qarri, pasi në bashkëpunim me njëri-tjetrin, në Ishull Shëngjin, Ishull Lezhë dhe Shëngjin, kanë vjedhur në disa banesa vegla punë dhe sende të tjera.

Policia ka sekuestruar në cilësinë e provës materiale 1 armë zjarri automatik me 4 krehra, një pistoletë me krehër me  fishekë, një armë e ftohtë thikë, përforcues grushti, doreza  dhe vegla punë të dyshuara të vjedhura.

Policia po vijon punën për dokumentimin e plotë të vjedhjeve të tjera të ndodhura më parë, ndërsa materialet procedurale i kaluan Prokurorisë së Rrethit Gjyqësor Lezhë, për veprime të mëtejshme.