Andrej Shevçenko u rikthye në kampionatin Italian në rolin e trajnerit dhe ky fakt e ka emocionuar shumë ukrainasin. Kreu i pankinës së Xhenoas ka zbuluar arsyet e transferimit tek kjo skuadër dhe objektivat me ekipin Italian.
“Falënderoj pronarët e klubit që më rikthyen në Itali. Ky është një moment shumë i rëndësishëm i karrierës time si trajner. Shpresoj të qëndroj sa më gjatë këtu, pasi Genoa është një klub i rëndësishëm.
Projekti më pëlqen, ndërsa objektivi primar është që Genoa të luajë sërish në Serie A sezonin e ardhshëm. E vetmja gjë di të bëj është të punoj. Do të jap gjithçka nga vetja për të ndihmuar Genoan të qëndrojë në Serie A.
Pranova menjëherë, pasi kam bindjen se Genoa mund të bëjë gjëra të mëdha në Itali në të ardhmen.
Është e qartë që kemi nevojë për mbështetjen e tifozëve. Më kujtohet kur luaja këtu si kundërshtar, ka qenë gjithmonë e vështirë, luanim kundër 12 lojtarëve, pasi lojtari i 12-të ishin tifozët.
Shkolla italiane e trajningut është tepër e rëndësishme, ka qenë një eksperiencë e madhe për mua të punoja me emra si Ancelotti, Zaçheroni dhe Cesare Maldini.
Ukraina ime ka qenë një skuadër e ekuilibruar, që dinte të vuante dhe të prodhonte një futboll të bukur.
Më pret një sfidë interesante, Genoa ka qenë gjithmonë ekip agresiv, sidomos në fushën e vet. Duhet të jemi shumë të fortë mentalisht”, deklaroi Shevchenko.
Discussion about this post