Organizata Botërore e Shëndetësisë ka njoftuar se po verifikon të dhëna nga terreni të cilat konfirmojnë një varianti të ri të Covid-19, i shfaqur fillimisht në Kolumbi dhe sëfundmi në Europë.
I emërtuar si mutacioni “B.1.621” apo varianti “M”, ai është rezistent ndaj vaksinave dhe më agresiv krahasuar me variantin “Beta”. Megjithatë, sipas njoftimit nga OBSH, do të duhen edhe më tepër studime për të arritur në një përfundim të mirëfilltë mbi natyrën e këtij varianti të ri.
“Që prej rastit të parë të variantit “M” të shfaqur në Kolumbi në janar të vitit 2021, ka patur edhe shpërthime të tjera të këtij mutacioni edhe në vende të tjera të Amerikës Latine dhe Europë. Megjithatë, prevalenca e këtij mutacioni në botë tani është 0.1 për qind, në Kolumbi 39 për qind dhe në Ekuador, 13 për qind”, raporton OBSH.
Mutacioni “M” i koronavirusit është i pesti prej varianteve të ndryshme të tij të shfaqura deri më tani. Më herët, bota u njoh me variantet “Alfa”, që u shfaq në Belgjikë dhe Britani të Madhe; “Beta” që u shtri në një total prej 141 shtetesh; “Gama” në 91 shtete dhe varianti indian “Delta” që po përhapet në 170 shtete.
