Një gjykatë në Iran ka dënuar me 6 muaj burgim një regjisor filmash të quajtur Saeed Roustaee. Dënimi sipas mediave lokale vjen pasi regjisori shfaqi një film në Festivalin e Kanës vitin e shkuar, të quajtur “Leila’s Brothers”.
Filmi tregonte vështirësitë e një familjeje që vuante ekonomikisht në Teheran. Ky film u ndalua të transmetohej në Iran që nga dalja e tij një vit më parë. Filmi ishte në garë për çmimin “Palma e Artë” në Kanë. Ky çmim nuk u fitua dot, por ia doli të të fitoj Federatën Ndërkombëtare të Kritikëve të Filmit.
Së bashku me regjisorin Roustaee u dënua edhe producenti i filmit Javad Noruzbegi. Të dy të dënuarit u gjetën fajtor nga gjykata për “kontribut në propagandën kundër sistemit Islamik”.
Gjatë kësaj periudhe 6 vjeçare të dënuarve do t’u kërkohet të kryejnë edhe një kurs për të mësuar realizimin e filmave që ruajnë interesat kombëtare dhe etike. Gjithashtu do t’u ndalohet shoqërimi me regjisorë të tjerë në Iran.
34 vjeçari Roustaee ka arritur një njohje ndërkombëtare që nga 2019 me filmin e tij “Just 6.5”, një vështrim mbi problemet e drogës në Iran dhe përgjigja brutale dhe e pafrytshme e policisë.
Discussion about this post