Shfaqi probleme shëndetësore në çerdhe, humb jetën 2-vjeçari

Një fëmijë 2-vjeçar ka ndërruar jetë ditën e sotme. Ngjarja e rëndë ka ndodhur në Burrel.

Nga raportimet mësohet se vogëlushi është ndjerë keq dhe ka humbur ndjenjat ndërsa ndodhej në çerdhe.

I mituri ka ndërruar jetë në spital. Nga të dhënat paraprake mësohet se fëmija ditë më parë ishte me temperatura dhe të vjella.

Mat/informacion paraprak

Një fëmijë i mitur i moshës 2-vjeç, në ambientet e çerdhes nr 2, në Burrel ku ishte dërguar nga prindërit ka shfaqur probleme shëndetësore dhe menjëherë është dërguar nga dy edukatore në urgjencën e spitalit të Burrelit.

Për pasojë i mituri ka humbur jetën në spital.

Grupi hetimor nën drejtimin e Prokurorisë po vijojnë hetimet për zbardhjen e rrethanave të kësaj ngjarjeje.