Njerëzit po gërmojnë me duar të zhveshura nëpër rrënojat në Marok në kërkim të të mbijetuarve të tërmetit të tmerrshëm që shkaktoi të paktën 2,500 të vdekur, sipas bilancit të fundit dhe rreth 2,476 të plagosur rëndë.
Për të mbështetur ekipet hulumtuese marokene, po mbërrijnë edhe ato nga Spanja, Mbretëria e Bashkuar, Katari dhe Emiratet e Bashkuara Arabe. Ndërkohë, toka vazhdon të dridhet dhe mijëra njerëz kanë kaluar natën e tretë jashtë.
Sekretari i Përgjithshëm i Organizatës së Bashkëpunimit Islamik (OIC), Husein Ibrahim Taha u bëri thirrje vendeve anëtare, organizatave humanitare dhe komunitetit ndërkombëtar që të ndërhyjnë në mbështetje të Marokut në trajtimin e ndikimit tragjik të tërmetit të dhunshëm të 9 shtatorit.
Kjo është raportuar nga gazeta pan-arabe në pronësi saudite “Al Sharq al Awsat”. Taha vlerësoi gjithashtu masat e marra menjëherë nga Mbreti i Marokut, Mohammed VI, në dobi të viktimave të tërmetit.
Tërmeti me magnitudë 7 që ndodhi gjatë natës mes të premtes dhe të shtunës në Marok “ka shkaktuar mijëra viktima dhe ka prekur më shumë se 300 mijë njerëz në Marrakech dhe zonat përreth”.
Kjo u raportua nga zyra rajonale e Organizatës Botërore të Shëndetësisë (OBSH) për Mesdheun lindor në X. Organizata shprehu gjithashtu “ngushëllimet e saj më të thella dhe mbështetjen e sinqertë për popullin maroken”.
Discussion about this post