Lali Eri do t’u blejë radio të reja policëve bashkiak, që të komunikojnë për vendosjen e gjobave ndaj qytetarëve. Kryebashkiaku u sofistikon infrastrukturën e komunikimit policëve, ndërkohë që me këto lekë i mbush llogarinë një kompanie të njohur në zhvatjen e tenderëve.
Më datë 7 dhjetor 2013, Bashkia Tiranë ka firmosur tenderin me numër reference REF-85740-10-30-2023 dhe objektiv “Sistemi i Komunikimit në distancë për Policinë Bashkiake”. Përmes këtij tenderi do të krijohet një sistem komunikimi, ku përmes 300 radiove që do t’u jepen policëve do të koordinohen me njëri-tjetrin. Për këtë tender është parashikuar të shpenzohen 250 milionë lekë (pa llogaritur TVSH). Pra, afro 833 mijë e 300 lekë do të jetë kostoja vetëm për një radio.
Bravo Lali Eri e bëre Policinë Bashkiake me pajisje më të shtrenjta se Pentagoni!
Dokumenti mësipër tregon tabelën e mjeteve, ku përveç radiove është një antenë dhe një faqe interneti. Sigurisht trajnime për të folur në radio dhe mirëmbajtja për dy vjet. Këto radio nuk mund të kushtojnë kaq shtrenjtë. Përndryshe, përse bashkia nuj bën publike dokumentet se si e ka llogaritur fondin limit.
Në fakt, tenderi është dizajnuar ta fitojë vetëm një kompani e paracaktuar dhe përvetësimi i fondit të madh bëhet përmes manipulimit të prokurimit me vetëm një pjesëmarrës.
Në përshkrimin e monitoruesit Open Data të bie menjëherë në sy “Flamuri i Kuq” që i është dhënë për shkak të riskut të korrupsionit.
Firma “AES communication” Sh.p.k në pronësi të Jani Angjeli ka përfituar në këto kushte tenderin duke konkurruar me veten e saj. Janë përfituar kështu 250 milionë lekë pa u lodhur fare, ndërsa është marrë përsipër të trajnim policët për të përdorur radiot.
Theksojmë se AES communication Shpk (Jani Angjeli) ka përfituar 7.4 milionë euro më periudhën 2014-2022 me kontrata të manipuluara kryesisht në departamentin e rendit, qoftë vendore apo në institucionet qendrore. Kjo kompani ka marrë mjaft tenderë edhe nga ish-ministri Lleshi si dhe ish-drejtori i Policisë së Shtetit, Gledis Nano e paraardhësit e tyre.
Ndërkohë, sipas të dhënave të Thesarit, në katër vitet e fundit në tërësi kjo firma ka përfituar 6 miliardë lekë.
Emri i kompanisë fituese përmendet këtë vit, edhe në denoncimin e një biznesmeni Gerond Meçe në KPP, më 24 maj 2023, ku aludohet se Këshilli i Lartë Gjyqësor i kishte hartuar kushtet e tenderit 3.4 milionë euro për kamerat, në mënyrë që të fitonte Jani Angjeli.
Këshilli i Lartë Gjyqësor e rihapi sërish tenderin e anuluar nga Komisioni i Prokurimeve Publike, në fund të muajit Maj 2023, pas dyshimeve të forta se KLGJ kishte favorizuar një subjekt tregtar, duke e shpallur fitues.
Tenderi rezulton të jetë hapur në 29 gusht 2023, ndërsa afati përfundimtar për paraqitjen e ofertave ishte caktuar data 29 Shtator 2023.
KLGJ reflektoi edhe për vlerën financiare, e cila ishte 372 milionë lekë të reja, ndërsa në rihapjen e dytë të prokurimit u ul në 144 milionë lekë të reja.
Kujtojmë se këtë të premte, SPAK ka lëshuar 15 urdhër-arreste për aferën e inceneratorit të Tiranës, ku në pranga ka rënë një person i besuar i Erion Veliajt. Bëhet fjalë për Taulant Tushën, drejtori i Punëve Publike në bashkinë e Tiranës. Shpresojmë që edhe ky tender të vendoset në të ardhmen në mes të fletëve të dosjes hetimore të Lali Erit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post