Pasuria e Dua Lipës ka pësuar një rritje gjatë 2022, me 154 mijë funte në javë të fituara.
“Pop princesha” Dua Lipa është më e pasur se shumë pjesëtarë të oborrit mbretëror.
Këngëtarja kosovare që ka lindur në Londër ka pasur një rritje të pasurisë prej 154 mijë funte në javë vitin e fundit, pasi ajo ka bërë investime të mençura si dhe për shkak të turneut të saj të suksesshëm.
Asetet neto për “krijimet e saj artistike” që i takojnë kompanisë së saj Radical kanë arritur deri në 30 milionë funte, 21.7 milionë funte më shumë së vitit 2021, sipas një raporti të publilkuar këtë javë.
Por, paratë që ajo ka fituar nuk kanë ardhur vetëm nga turneu i saj ‘Future Nostalgia’, që ka kontribuar më së shumti në rritjen e pasurisë së saj. Portofoli i saj u rrit edhe nga aksionet që nga 3 milionë funte shkuan në 13 milionë kur ajo bëri një blerje të mençur të një prone afër St Pancras Station për 1.5 milion funte.
Kompania, e cila më parë quhej Dua Lipa Ltd deri në vitin e fundit, por që tani ka ndryshuar në Radical 22, kanalizon fitime nga honoraret, përqindja e të drejtave të autorit, paraqitjet e saj “live” dhe investimet.
Turneu i saj 91 ditor që zgjati nga shkurti deri në nëntor vitin e kaluar ka pasur qarkullim më shumë së 83 milionë funte dhe është përcjellur nga 1.3 milion fansa.
Këngëtarja e hitit “New Rules” pritet që të lansojë albumin e saj të tretë në fillim të vitit të ardhshëm dhe duket se pasuria e saj ka pasur rritje edhe këtë vit.
Discussion about this post