Në 24 orët e fundit në Greqi janë shënuar 3739 raste të reja me Covid-19, duke sjellë kështu një trend në rritje nga dita në ditë. Sipas të dhënave të Ministrisë së Shëndetësisë, në 24 orët e fundit kanë ndërruar jetë 29 pacientë të infektuar, duke e çuar numrin e përgjithshëm të viktimave që prej fillimit të pandemisë në 15. 447 në total.
Numri i pacientëve që janë aktualisht në intubim është 356, prej të cilëve 312 janë të pavaksinuar ose të vaksinuar vetëm me një dozë.
Shteti grek vazhdon të lërë në fuqi disa nga masa shtrënguese, pasi numri i infektimeve mbetet shqetësues.
