Shërbimi Informativ Shtetëror kërkon punonjës, agjentë në terren. Lajmin e ka bërë të ditur vetë institucioni përmes një njoftimi në faqen zyrtare, për mes të cilit ka publikuar edhe kushtet që duhet të plotësojnë kandidatët e interesuar.
Në njoftim thuhet se, të interesuarit duhet të paraqiten pranë njësive të SHISH në rrethet pranë vendbanimeve, si dhe pranë Shërbimit Informativ të Shtetit në AQ, Tiranë, deri në datën 15 nëntor , me dokumentet e kërkuara. “Kandidatët duhet të plotësojnë kushtet e poshtëshënuara: Të jenë shtetas shqiptar; Të kenë zotësi të plotë për të vepruar; Të kenë mbaruar arsimin e lartë; Të mos jenë dënuar me vendim gjykate të formës së prerë, për kryerjen e një krimi; Të jenë të aftë nga ana shëndetësore, për të kryer detyrën; Të mos jetë marrë ndaj tyre masë disiplinore e largimit nga administrata shtetërore për shkak të një shkelje të rëndë të disiplinës. Të kenë njohuri të mira në gjuhën angleze, apo gjuhë të tjera; Të jenë deri në moshën 35-vjeç;Të kenë njohuri për programet bazë të kompjuterit”, theksohet në njoftim.
Më tutje, evidentohet se të interesuarit duhet të dërgojnë një kërkesë për punësim; CV, sipas modelit të publikuar dhe në faqen zyrtare të SHISH; Fotokopje e kartës së identitetit, apo pasaportës; Certifikatë familjare; Raport mjeko-ligjor; Fotokopje e noterizuar e diplomës së arsimit përkatës dhe e listës së notave; Vërtetim nga Prokuroria e rrethit përkatës; Vërtetim nga Gjykata e rrethit përkatës dhe vërtetim nga Zyra Përmbarimore e rrethit përkatës. Gjithashtu, aplikantët duhet të vërtetojnë që, nuk janë larguar nga puna me masë disiplinore. E.H/ gijotina.com/
Discussion about this post