Goditet grupi kriminal që shiste armë në Tiranë, Fushë Krujë e Thumanë. Nga operacioni “Heliks”, kanë rënë në pranga dy pjesëtarë të grupit, Fatjon Kodra dhe Elton Kaci.
Ndërsa dy pjesëtarë të tjerë, Florjan Aliu dhe Enea Zira janë shpallur në kërkim. Nga ky operacion janë sekuestruar 3 armë zjarri kallashnikov, 2 armë zjarri pistoletë dhe municion luftarak, që dyshohet se do të shiteshin në Tiranë dhe në Krujë.
Ndërkohë vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë.
Gjithashtu, vijon puna për kapjen e 2 shtetasve të shpallur në kërkim për këtë rast.
Materialet procedurale i kaluan Prokurorisë, për veprime të mëtejshme.
Discussion about this post