Katër shqiptarë, të cilët shisnin drogë përmes një “call-center” janë dënuar me burg nga autoritetet holandeze. Njëri prej shqiptarëve ka marrë dënimin 4 vite burg në mungesë, pasi është arratisur drejt Francës, ndërsa 3 të tjerët janë dënuar me nga 3 vite burg secili.
Shqiptarët dyshohet se ishin pjesë e një bande që drejtohej po nga shqiptarë, ndërsa ajo vepronte në Aarchot dhe Diest të Holandës.
Kokaina shitej përmes call-center-it të krijuar nga vetë anëtarët e bandës, ndërsa droga u jepej tregtarëve më të vegjël, ose përdoruesve.
Ajo që tërheq vëmendjen ishte se porosia mbërrinte te klienti në më pak se 1 orë, ndërsa në punë viheshin korrierët, pas marrjes së porosisë.
Mediat vendase raportojnë se banda kishte në përdorim një numër të vetëm telefoni bashkë me aplikacionin “Wicr”, duke bërë që të telefonatat e tyre të mos regjistrohen. Sipas autoriteteve holandeze, banda kishte punësuar dhjetë korrierë që transportonin drogën të porositësi.
Hetimet ndaj shqiptarëve nisën në maj të 2022, kohë kur njërit prej tregtarëve të vegjël që furnizohej nga banda iu kapën tre pako kokainë pas një kontrolli rrugor.
Dëshmia e tregtarit para policisë zbuloi rrjetin se si shpërndahej droga dhe si merreshin porositë.
Discussion about this post