Babë e bir kanë rënë në prangat e policisë së Fierit, pasi akuzohen se shisnin lëndë narkotike në lokalin e tyre. Në pranga kanë rënë Arben dhe Denis Dane, 55 dhe 27 vjeç.
Sipas njoftimit, gjatë kontrollit të ushtruar në lagjen “Liri”, Fier, në lokalin në pronësi të 55-vjeçarit, të dy, babë e bir në bashkëpunim me njëri tjetrin u kapën duke shitur lëndë narkotike në doza.
Janë sekuestruar në cilësinë e provës materiale rreth 2 kg lëndë narkotike cannabis sativa, një pjesë e të cilës ishte e ndarë në 258 doza gati për shitje, një peshore elektronike që shërbente për ndarjen e lëndës narkotike në doza dhe dy aparate celularë.
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme procedurale për veprën penale “Prodhimi dhe shitja e lëndëve narkotike” e kryer në bashkëpunim.
Discussion about this post