25 biznese ka ndëshkuar në 24 orët e fundit Autoriteti Kombëtar i Ushqimit, për shkak se ushtronin aktivitet në mungesë të sigurisë ushqimore. Sipas të dhënave të publikuara nga AKU, bizneset e konstatuar në shkelje janë kryesisht ushqimore të vogla, markete dhe magazina grumbullimi.
“AKU ka kryer 144 kontrolle zyrtare dhe monitorime në të gjithë vendin në operatorë të kategorive të ndryshme, si subjekte me aktivitet: magazina fruta perime, baxho, stabiliment grumbullim / paketim caj dhe ereza, grumbullim / paketim pije alkolike, etj.
Gjatë kontrolleve zyrtare në operatorët e biznesit ushqimor janë dhënë 25 masa administrative për aktivitet jo në përputhshmëri me kornizën ligjore dhe rregullatore të sigurisë ushqimore”, thuhet në njoftim.
Ndërkohë, AKU paralajmëron se kontrollet në terren do të vazhdojnë më të avancuara.
