Policia italiane ka arrestuar dy shqiptarë në një aksion antidrogë si dhe iu sekuestruan 10 kilogramë kokainë të pastër. Në bazë të informacioneve që kishte mbledhur anti-droga e Milanos, dy shqiptarët do të shisnin sasi të mëdha kokaine në komunën e Ossonës, në rajonin e Magentino-s dhe se korrieri do të mbërrinte pranë Piazza Litta Modignani me një Ford Fiesta. Policët ngriti grupin e vëzhgimit, i cili bëri të mundur identifikimin e një automjeti që korrespondonte me atë për të cilin kishin marrë informacion.
Nga automjeti tip Ford Fiesta doli një 37 vjeçar i cili ishte shqiptar dhe u takua me një tjetër. Pasi shkëmbyen disa fjalë, të dy hipën në makinë dhe pasi arritën në afërsi nëpërmjet Pertinit, hynë në garazhin e një pallati. Njëri prej tyre zbriti dhe eci në anë të rrugës me qëllim që ta ndiqte makinën në këmbë.
Policët, të bindur se po realizohej shkëmbimi i drogës ndërhynë menjëherë. Sapo panë efektivët e policisë të dy shqiptarët u arratisën në këmbë duke arritur të hyjnë në prej hyrjeve të pallatit aty pranë dhe më pas në një kantier ndërtimi. Njëri prej shqiptarëve, tentoi të fshehë një pistoletë gjysmë automatike e pajisur me karikator, me 6 fishekë, por u bllokua nga policia, shkruajnë mediat italiane.
Nga ana tjetër, drejtuesi i makinës është gjetur nga policët i mbyllur në bagazh me një plagë në ballë, si duket i goditur me qytën e armës që tentoi të fshehë 39-vjeçari. Sipas policisë, dyshohet se gjatë dorëzimit të drogës të kenë lindur mosmarrëveshje duke bërë që autorët të godisnin korrierin. Brenda çantës kishte 10 kg kokainë të pastër, të paketuara në blloqe drejtkëndëshe ku secili mbante mbishkrimin ‘Audi’.
Discussion about this post