Një rast i pazakontë i vjedhjes është raportuar në Fier. Burime nga policia bëjnë me dije se një 54-vjeçar me inicialet T.M., është vënë në hetim pasi në servisin e tij shiste automjete të vjedhura në vende të Bashkimit Evropian.
Në njoftimin zyrtar gjithashtu bëhet me dije se 54-vjeçari është proceduar penalisht në gjendje të lirë, për veprat penale “Trafikimi i mjeteve motorike”, “Fshehja e të ardhurave dhe tatimeve” dhe “Mospagimi i taksave”.
Gjatë kontrollit të servisit në administrim të këtij shtetasi janë gjetur dhe sekuestruar 2 automjete tip “Benz”, të cilat nga verifikimet dyshohet të jenë vjedhur jashtë shtetit.
Materialet i kaluan Prokurorisë, për veprime të mëtejshme procedurale.
Discussion about this post