Atletet e veshura nga legjenda e basketbollit, Michael Jordan, janë shitur në ankand për një shifër prej 1.47 milionë dollarë.
Një shumë që mund të konsiderohet e ‘çmendur’ për një palë atlete, por jo kur bëhet fjalë për ato të veshura nga Jordan.
Legjenda e basketbollit amerikan e botëror i veshi atletet e bardha me të kuqe të Nike Air Ships gjatë sezonit të tij të parë me Chicago Bulls në 1984. Viti kur ai dhe Nike filluan bashkëpunimin e tyre për të krijuar markën e tij të firmës së rrobave dhe këpucëve.
Çmimi për këto atletet është më i larti që është paguar ndonjëherë në historinë e çdo sporti. Jordan e kaloi pjesën më të madhe të karrierës së tij me Chicago Bulls dhe u bë imazhi që ngriti profilin e basketbollit në të gjithë botën.
Rikujtojmë se Michael Jordan doli në pension në vitin 2003 dhe u bë lojtari i parë miliarder në historinë e NBA./K.T/Gijotina.com
