Të tjera “intriga” po dalin në dritë, në lidhje me shitjen e Manchester United Football Club. Në garë për të blerë klubin janë, Sir Jim Ratcliffe dhe Sheiku nga Katari, Jassim.
Në lidhje me biznesmenin nga Lindja e Mesme, Sheiku Jassim ka frikë se familja Glazer nuk dëshiron të heqë dorë nga kontrolli i plotë i Manchester United, sipas raporteve që qarkullojnë.
Sheikh Jassim është një nga dy ofertuesit kryesorë për 13 herë kampionët e Premier League, së bashku me miliarderin britanik Sir Jim Ratcliffe. Por një proces shitjesh, i cili filloi në nëntor 2022 mbetet në vazhdim, duke shkaktuar frikë se pronarët aktualë amerikanë mund të mbeten në krye.
Pavarësisht procesit të vonuar të shitjes, kampi i Katarit mbetet me shpresë për të përfunduar një blerje të plotë dhe raportohet se besojnë se është vetëm çështje kohe përpara se Glazers të arrijnë një vendim, në një mënyrë ose në një tjetër. Sheikh Jassim ka premtuar një blerje të plotë të “Djajve të Kuq” përmes fondacionit të tij “Nine Two”, ndërsa oferta e Jim Ratcliffe është gjithashtu ende në tryezë.
Megjithatë, Glazers mund të zgjedhin të mos shesin plotësisht, me një tjetër mundësi investimi në pakicë. Sipas Bloomberg, grupi i Sheikut mbetet i sigurt për blerjen e klubit dhe thuhet se kanë bërë oferta tunduese.
Pavarësisht këtij besimi, një kthesë e minutës së fundit nga Glazers nuk është përtej mundësive. Raporti shton se ka pasur ndarje mes familjes Glazer, me disa anëtarë që favorizojnë një shitje të plotë dhe të tjerë që duan të mbajnë një interes.
Një burim anonim beson se Glazers mund të bëjnë një kthesë dramatike në minutën e fundit për të mos e shitur Unitedin, në vend të kësaj të pranojnë investime të jashtme për të ndihmuar në rigjallërimin e stadiumit “Old Trafford” të shkatërruar dhe objekteve stërvitore të klubit.
Tifozët e United mund të duhet të presin për të zbuluar të ardhmen e klubit të tyre, me raportet e fundit, që sugjerojnë se një blerje mund të mos përfundojë përpara fillimit të sezonit 2023/24, i cili fillon në gusht.
Sheikh Jassim përshkroi vizionin e tij edhe për Erik ten Hag në një deklaratë në shkurt. Ai tha: “Oferta planifikon ta kthejë klubin në lavditë e tij të mëparshme, si në fushë ashtu edhe jashtë saj dhe mbi të gjitha, do të kërkojë t’i vendosë tifozët edhe një herë në zemër të klubit të futbollit Manchester United.
“Oferta do të jetë plotësisht pa borxhe përmes Fondacionit “Nine Two” të Sheikh Jassim, i cili do të kërkojë të investojë në ekipet e futbollit, qendrën stërvitore, stadiumin dhe infrastrukturën më të gjerë, përvojën e tifozëve dhe komunitetet që klubi mbështet.
“Vizioni i ofertës është që klubi i futbollit Manchester United të jetë i njohur për përsosmërinë e futbollit dhe të konsiderohet si klubi më i madh i futbollit në botë. Më shumë detaje të ofertës do të publikohen, kur është e përshtatshme, nëse dhe kur zhvillohet procesi i ofertës.”
Discussion about this post