Porsche ka shijuar një fillim shumë të fortë të vitit 2023, duke raportuar dërgesa rekord të tremujorit të parë në Shtetet e Bashkuara.
Përveç kësaj, Porsche ka shënuar rritje në shitje në të gjithë Evropën, Kinën dhe të gjitha tregjet e tjera kryesore.
Sipas mediave të huaja, gjatë tre muajve të parë të vitit, Porsche dërgoi 80,767 automjete për klientët në mbarë botën.
Kina ishte tregu kryesor i markës, duke llogaritur 21,365 shitje ose një rritje prej 21% mbi 17,685 njësi të shitura atje në tremujorin e parë 2022.
Pas Kinës ishte Amerika e Veriut me 19,651 shitje (një rritje 30%), si dhe Evropa (me përjashtim të Gjermanisë) me 18,420 shitjet (+14%).
“Ky rekord i të gjitha kohërave është një arritje e madhe dhe ne i jemi mirënjohës çdo klienti”, ka thënë në një deklaratë presidenti dhe shefi ekzekutiv i Porsche Cars në Amerikën e Veriut, Kjell Gruner.
“Kjo demonstron kërkesën solide për makinat tona dhe është rezultat i një përpjekjeje të kombinuar fantastike nga tregtarët tanë, PCNA dhe Porsche në Gjermani me një objektiv të vetëm: për të ofruar një përvojë të jashtëzakonshme. Pavarësisht kërkesës dhe të dhënave kaq të forta, ne ende po ndiejmë disa nga problemet e zinxhirit të furnizimit që prekin të gjithë industrinë”.
Discussion about this post