Dy persona janë arrestuar ditën e sotme pasi akuzohen se kanë ndezur qëllimisht zjarrin në Fier që u dogjën 3 mijë pemë si dhe kanë djegur pishat në Lushnjë. Pas hetimeve dhe denoncimeve të kryera, Policia e Fierit identifikoi dhe arrestoi fillimisht autorin e dyshuar të zjarrvënies në Fermë Roms ku u dogjën 3000 pemë Paulonja. Më pas u arrestua edhe autori i dyshuar i zjarrvënies në fshatin Kolonjë, Lushnjë, ku u dogjën 1 hektarë me pisha. Sipas të dhënave është kapur në flagrancë Kujtim Myftaraj 60 vjeç, për zjarrin me pasoja të shumta në Fier.
Gjithashtu, si rezultat i reagimit në kohë, specialistët për Hetimin e Krimeve në Komisariatin e Policisë Lushnjë, identifikuan dhe arrestuan në flagrancë shtetasin Shkëlqim Beqiri 57 vjeç, banues në Kolonjë, Lushnjë. Në kodrat e fshatit Kolonjë, ky shtetas kishte ndezur zjarr në tokën e tij, zjarri ka dalë jashtë kontrollit dhe është djegur një hektar pyll me pisha duke rrezikuar zonën e mbrojtur të “Parkut të Manastirit”. Materialet i kaluan Prokurorisë, për veprime të mëtejshme procedurale.
Discussion about this post