Shkaktoi aksidentin në Maqellarë, Policia arreston shoferin që solli vdekjen e kushëririt

Premtim Hamzaj 27 vjeç, banues në Maqellarë, është arrestuar nga policia pas aksidentit të ndodhur mesditën e sotme në Maqellarë të Dibrës ku humbi jetën një person.

Policia bën me dije se 27-vjeçari ka qenë në timonin e automjetit tip ‘Volksëagen Pasat’, në momentin kur ka humbur kontrollin duke u përplasur me barrierat mbrojtëse të rrugës.

Si pasojë e përplasjes humbi jetën Edison Hamzaj 28-vjeç, si dhe u plagos shoferi dhe 2 të tjerë, të gjithë kushërinj me njëri tjetrin.

Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.