Besnik Mjeshtri dyshohet të jetë autori i ngjarjes së rëndë në qendër të qytetit të Klosit, ku nga përplasja mes fiseve mbeti i vrarë një 17-vjeçar, ndërsa u plagosën dy të tjerë. Nga ana tjetër, viktima është identifikuar si Kenado Shira.
Autori i dyshuar është shpallur në kërkim nga policia e Klosit. Mes të plagosurve rëndë është dhe babai i viktimës, Liri Shira i cili është dërguar në spital.
Paraprakisht mësohet se ngjarja ka ndodhur si pasojë e një konflikti të vjetër që kanë pasur dy fiset, konkretisht fisi Mjeshtri dhe fisi Shira. Sherri mes tyre ka degraduar këtë të mërkurë, në qendër të Klosit, ku jashtë një lokali ka kërcitur arma e zjarrit dhe u regjistrua një viktimë.
Discussion about this post