Shkarkohet trajneri i parë në Ligue 1

Claude Puel është bërë trajneri i parë që shkarkohet për këtë sezon në kampionatin kryesor të futbollit në Francë, Ligue 1.

Saint-Etienne ka vendosur të shkarkojë trajnerin pas humbjes të së dielës me rezultatin e thellë 0-5 ndaj Rennes. Presidenti i klubit në fjalë, Jean-François Soucasse mbylli bashkëpunimin me 60-vjeçarin, i cili e drejtonte ekipin prej më shumë se dy vitesh.

Përveç kësaj ndeshje ishin rezultatet e dobëta të këtij sezoni, me skuadrën që deri më tani ka grumbulluar vetëm 12 pikë në 17 takime, duke u renditur në fund të tabelës së Ligue 1 që ka sjellë shkarkimin e teknikut.

Rikujtojmë që në të kaluarën Puel ka pasur edhe eksperiencë në Premier League ku ka trajnuar Southampton apo edhe Leicester./K.T/Gijotina.com