Laçi barazoi me shifrat 3-3 përballë Erzenit, në sfidën e javës së parë të Abissnet Superiore. Ky rezultat i ka zhgënjyer jashtë mase drejtuesit kurbinas, aq sa kanë larguar trajnerin Stavri Nica, pa u menduar dy herë. Tashmë, ne prag të sfidës me Partizanin, klubi bardhezi ka gjetur pasuesin e Stavri Nicës.
Nga ajo që bën me dije media sportive shqiptare “Panorama Sport”, trajneri i ri i kurbinasve do të jetë Skerdi Bejzade.
Ai është parë në tribunë në stërvitjen e skuadrës, ditën e martë dhe kështu do të marrë drejtimin e skuadrës, teksa do të jetë në stol për sfidën e radhës në kampionat kundër Partizanit, sfidë që do jetë edhe debutimi sezonal në kampionat për kampionët në fuqi.
Debutimi i tij vjen pikërisht kundër skuadrës ku më parë ka luajtur dhe ka qenë kapiten.
Bejzade vitet e fundit ka punuar në Gjermani në kategoritë e ulëta dhe mësohet se është kthyer në Shqipëri për të nisur një aventurë të re si trajner me skuadrën e Laçit.
Discussion about this post