Në një prononcim për mediat pak minuta më parë, Ish-kryeministri Sali Berisha ka paralajmëruar daljen e emrave të ministrave shqiptarë nga banda që u shkatërrua së fundmi në Evropë. Më tutje ai tha se do të dëgjojmë emra prokurorësh e gjyqtarësh, që sipas tij kanë bashkëpunuar me bandat shqiptarë në Evropë. Teksa fliste për një operacion të zhvilluar së fundmi që përfundoi me të paktën 30 të arrestuar.
“Kam një kënaqësi të veçantë që t’i informoj sot shqiptarët që në Itali, Francë, Spanjë e Belgjikë, pas zbulimit të një aplikacioni që përdornin bandat shqiptare e qeveritarët shqiptarë, ju garantoj se në atë përgjime ka emra ministra drejtorësh, ministrash, prokurorësh, gjykatësish e shumë të tjerë. U bëj thirrje agjencive për një hetim të pavarur”, tha Berisha ndër të tjera.
Berisha tha se është shkatërruar një aplikacion që përdorej për komunikim mes tyre dhe aty ka emra zyrtarësh shqiptarë. Ai madje u bëri thirrje agjencive të huaja për hetime të mëtejshme.
Discussion about this post